ENTRADUWIZABL

Poème de Antonio Miranda

Trad. de  Nixon Calixte, Haiti)

Ilus.  Gómez de Zamora (España)

nap ekri nap ekri

san konnen dayè

nan ki lang

yon dividal bagay ki pa gen

mo ki ka di yo

ki te mèl

           nou

se bon pou fèy papye

se bon pou fèy kaye

se bon pou tout

                 fèy

ticheri

fèy malanga

fey de pou senk

jete bliye

sa pa nan kè

sa pa janm nan lespri

yo di sa pa menm gen sans

nan pesiste

founi-je-gade

nan yon tonton glas

ki pa montre figi'n

ni anyen ditou

menm pa ti pati'n

nan li yon teks

san ekriti

ni estrikti

nou pran nan tchouboum

yon koze de grenn goch

yon koze pwet pwet

       san pye san tet

sak pou lespri

vin pou je

sak pou je

vin pou limajinasyon

tou sa ki klè vin an daki

tou sa ki gen lanvè pèdi landrèt

tou sa ki landrèt pèdi lanvè

tou lele tou lala tou lolo

lespri nou tèt anba nou gaga

kote nou ye ki lè li fè

           reponn souple

   lespri nou tèt anba

   nou gaga nou gogo

Texto en Criolle do poema « Intraduzível » de Antonio Miranda.