LARRUAREN AZPIAN

(Debaixo da Pele / Debajo de la Piel)

Antonio Mirandaren poema

Traducción al euskera por

JUAN KRUZ IGERABIDE
» Foto de Silvio Zambroni

Larruaren gainean

beste larru batzuk

armadura gisakoak;

larruaren azpian

beste larru batzuk

tesitura ezabaezin gisakoak.

Tipula sutuzko

lur mortuaren gaineko

umealdi gisa

idazkun

etsia.

Nor bizi da izatearen alde

sakonetan? Beste bat da noski

bere onarpenaren

kanpoeneko gainazalean.

Zer da baina? Zer paturi dago lotua?

Larru guztiak

jantzi, fantasiak izan

eta estalkiak kendu

geruza

gorien gisa

Subjektua.

Izan ginen guztiok

gugan bizirik diraute

galerak eta irabaziak erakutsiz.